ਤੰਦਰੁਸਤ ਰਹਿਣ ਲਈ ਅਤੇ ਬਿਮਾਰੀਆਂ ਤੋਂ ਬਚਣ ਲਈ ਮਿਨਰਲਸ ਅਤੇ ਪ੍ਰੋਟੀਨ ਦੇ ਨਾਲ ਵਿਟਾਮਿਨਸ ਲੈਣਾ ਵੀ ਬਹੁਤ ਜ਼ਰੂਰੀ ਹੈ । ਜ਼ਰੂਰੀ ਵਿਟਾਮਿਨਾਂ ਵਿੱਚੋਂ ਇੱਕ ਹੈ ਵਿਟਾਮਿਨ ਕੇ । ਵਿਟਾਮਿਨ ਕੇ ਨਾ ਸਿਰਫ ਸਰੀਰ ਨੂੰ ਬੀਮਾਰੀਆਂ ਤੋਂ ਬਚਾਉਂਦਾ ਹੈ ਬਲਕਿ ਇਹ ਸੈਂਲਸ ਅਤੇ ਤਵਚਾ ਦੇ ਨਿਰਮਾਣ ਲਈ ਵੀ ਜ਼ਰੂਰੀ ਹੈ । ਵਿਟਾਮਿਨ ਕੇ ਸਰੀਰ ਵਿਚ ਬਲੱਡ ਕਲਾਟਿੰਗ (ਖੂਨ ਨਿਕਲਣ ਤੇ ਜੰਮ ਜਾਣ) ਦਾ ਕੰਮ ਵੀ ਕਰਦਾ ਹੈ ।
ਵਿਟਾਮਿਨ ਕੇ ਦੀ ਕਮੀ ਹੋਣ ਤੇ ਕਈ ਬੀਮਾਰੀਆਂ ਦਾ ਖਤਰਾ ਵਧ ਜਾਂਦਾ ਹੈ । ਇਸ ਲਈ ਜ਼ਰੂਰੀ ਹੈ , ਕਿ ਪਹਿਲਾਂ ਇਨ੍ਹਾਂ ਦੇ ਸੰਕੇਤਾਂ ਨੂੰ ਪਹਿਚਾਨ ਲਿਆ ਜਾਵੇ ਤਾਂ ਸਾਨੂੰ ਪਤਾ ਚੱਲ ਜਾਵੇ ਕਿ ਸਾਡੇ ਸਰੀਰ ਵਿੱਚ ਵਿਟਾਮਿਨ ਕੇ ਦੀ ਕਮੀ ਹੈ । ਅਸੀਂ ਵਿਟਾਮਿਨ ਕੇ ਵਾਲੇ ਆਹਾਰ ਖਾ ਕੇ ਇਸ ਦੀ ਕਮੀ ਨੂੰ ਪੂਰਾ ਕਰ ਸਕਦੇ ਹਾਂ ।
ਵਿਟਾਮਿਨ ਕੇ ਵਾਲੇ ਆਹਾਰ
ਵਿਟਾਮਿਨ ਕੇ ਦੋ ਤਰ੍ਹਾਂ ਦਾ ਹੁੰਦਾ ਹੈ K-1 ਅਤੇ K-2 ।
ਵਿਟਾਮਿਨ K-1 ਦੇ ਆਹਾਰ
ਫਲ , ਪੱਤਾ ਗੋਭੀ , ਬਰੋਕਲੀ , ਪਾਲਕ , ਚੁਕੰਦਰ , ਸਰ੍ਹੋਂ ਦਾ ਸਾਗ , ਮੂਲੀ , ਸ਼ਲਗਮ ਇਹ ਸਭ ਵਿਟਾਮਿਨ K-1 ਦੇ ਆਹਾਰ ਹਨ ।
ਵਿਟਾਮਿਨ K-2 ਵਾਲੇ ਆਹਾਰ
ਦੁੱਧ , ਪਨੀਰ , ਦਹੀਂ , ਚੀਜ਼ , ਘਿਓ , ਮੱਖਣ , ਜੈਤੂਨ ਤੇਲ , ਲਾਲ ਮਿਰਚ , ਕੇਲਾ , ਕਣਕ ਵਿਟਾਮਿਨ K-2 ਦੇ ਆਹਾਰ ਹਨ ।
ਵਿਟਾਮਿਨ ਕੇ ਦੀ ਕਮੀ ਹੋਣ ਤੇ ਇਹ ਆਹਾਰ ਤੁਸੀਂ ਆਪਣੇ ਖਾਣੇ ਵਿੱਚ ਸ਼ਾਮਿਲ ਕਰ ਸਕਦੇ ਹੋ ।
ਵਿਟਾਮਿਨ ਕੇ ਦੀ ਕਮੀ ਦੇ ਸੰਕੇਤ
ਨੱਕ ਜਾਂ ਦੰਦ ਵਿੱਚੋਂ ਖੂਨ ਨਿਕਲਣਾ
ਨੱਕ ਜਾਂ ਦੰਦ ਵਿੱਚੋਂ ਬਿਨਾਂ ਕਿਸੇ ਵਜੇ ਖੂਨ ਨਿਕਲਨਾ ਵਿਟਾਮਿਨ ਕੇ ਦੀ ਕਮੀ ਦਾ ਸੰਕੇਤ ਹੈ । ਇਸ ਤਰ੍ਹਾਂ ਹੋਣ ਤੇ ਤੁਰੰਤ ਡਾਕਟਰ ਤੋਂ ਜਾਂਚ ਕਰਵਾਉਣੀ ਚਾਹੀਦੀ ਹੈ ।
ਉਲਟੀ ਕਰਦੇ ਸਮੇਂ ਖ਼ੂਨ ਆਉਣਾ
ਵਿਟਾਮਿਨ ਕੇ ਦੀ ਕਮੀ ਹੋਣ ਤੇ ਕਈ ਵਾਰ ਪੇਟ ਵਿੱਚ ਖੂਨ ਨਿਕਲਣ ਦੀ ਸਮੱਸਿਆ ਹੋ ਜਾਂਦੀ ਹੈ । ਜਿਸ ਕਰਕੇ ਉਲਟੀ ਦੇ ਨਾਲ ਖੂਨ ਆਉਣ ਦੀ ਸਮੱਸਿਆ ਹੁੰਦੀ ਹੈ । ਇਹ ਸੰਕੇਤ ਵੀ ਵਿਟਾਮਿਨ ਕੇ ਦੀ ਕਮੀ ਦਾ ਸੰਕੇਤ ਹੈ ।
ਮਾਸਿਕ ਧਰਮ ਵਿੱਚ ਜ਼ਿਆਦਾ ਬਲੀਡਿੰਗ
ਮਹਿਲਾਵਾਂ ਵਿੱਚ ਵਿਟਾਮਿਨ ਕੇ ਦੀ ਕਮੀ ਹੋਣ ਤੇ ਮਾਸਿਕ ਧਰਮ ਵਿੱਚ ਜ਼ਿਆਦਾ ਬਲੀਡਿੰਗ ਹੁੰਦੀ ਹੈ । ਇਸ ਤੋਂ ਇਲਾਵਾ ਵਿਟਾਮਿਨ ਕੇ ਦੀ ਕਮੀ ਦੇ ਕਰਕੇ ਖੂਨ ਦੀ ਕਮੀ , ਕਮਜ਼ੋਰੀ ਅਤੇ ਥਕਾਨ ਦੀ ਸਮੱਸਿਆ ਵੀ ਹੋ ਸਕਦੀ ਹੈ ।
ਪੇਸ਼ਾਬ ਵਿੱਚ ਖ਼ੂਨ ਆਉਣਾ
ਕਈ ਵਾਰ ਪਿਸ਼ਾਬ ਵਿੱਚ ਖ਼ੂਨ ਆਉਣ ਦੀ ਸਮੱਸਿਆ ਹੋ ਜਾਂਦੀ ਹੈ । ਬਹੁਤ ਸਾਰੇ ਲੋਕ ਇਸ ਨੂੰ ਨਜ਼ਰਅੰਦਾਜ ਕਰ ਦਿੰਦੇ ਹਨ । ਪਰ ਇਹ ਸਰੀਰ ਵਿੱਚ ਵਿਟਾਮਿਨ ਕੇ ਦੀ ਕਮੀ ਦਾ ਸੰਕੇਤ ਹੈ । ਕਿਉਂਕਿ ਵਿਟਾਮਿਨ ਕੇ ਦੀ ਕਮੀ ਕਰਕੇ ਖੂਨ ਪਤਲਾ ਹੋ ਜਾਂਦਾ ਹੈ । ਜਿਸ ਕਾਰਨ ਖੂਨ ਪਿਸ਼ਾਬ ਅਤੇ ਮਲ ਦੇ ਨਾਲ ਆਉਣ ਲੱਗਦਾ ਹੈ ।
ਨੀਂਦ ਨਾ ਆਉਣ ਦੀ ਸਮੱਸਿਆ
ਇਸ ਦੀ ਕਮੀ ਕਰਕੇ ਦਿਮਾਗ ਦੇ ਆਸੇ ਪਾਸੇ ਖੂਨ ਨਿਕਲਣ ਦੀ ਸਮੱਸਿਆ ਹੁੰਦੀ ਹੈ । ਜਿਸ ਕਰਕੇ ਨੀਂਦ ਨਾ ਆਉਣ ਦੀ ਸਮੱਸਿਆ ਵੀ ਹੋ ਸਕਦੀ ਹੈ । ਇਸ ਦੇ ਨਾਲ ਨਾਲ ਖੂਨ ਦੀ ਉਲਟੀ ਵੀ ਆ ਸਕਦੀ ਹੈ ।
ਹੱਡੀਆਂ ਕਮਜ਼ੋਰ ਹੋਣੀਆਂ
ਵਿਟਾਮਿਨ ਕੇ ਦੀ ਕਮੀ ਕਰਕੇ ਹੱਡੀਆਂ ਕਮਜ਼ੋਰ ਹੋਣ ਲੱਗਦੀਆਂ ਹਨ ਅਤੇ ਵਾਰ ਵਾਰ ਹੱਡੀਆਂ ਟੁੱਟਣ ਦਾ ਖਤਰਾ ਵਧ ਜਾਂਦਾ ਹੈ ।
ਜੋੜਾਂ ਦਾ ਦਰਦ ਅਤੇ ਸੋਜ
ਸਰੀਰ ਵਿਚ ਵਿਟਾਮਿਨ ਕੇ ਦੀ ਕਮੀ ਕਰਕੇ ਜੋੜਾਂ ਦਾ ਦਰਦ ਅਤੇ ਸੋਜ ਦਾ ਕਾਰਨ ਵੀ ਬਣਦਾ ਹੈ । ਏਨਾ ਹੀ ਨਹੀਂ ਇਸ ਦੀ ਕਮੀ ਕਰਕੇ ਚੱਲਣ ਫਿਰਨ ਵਿੱਚ ਦਰਦ ਮਹਿਸੂਸ ਹੋ ਸਕਦਾ ਹੈ ।
ਸੱਟ ਲੱਗਣ ਤੇ ਖ਼ੂਨ ਬੰਦ ਨਾ ਹੋਣਾ
ਸੱਟ ਲੱਗਣ ਤੇ ਖ਼ੂਨ ਬੰਦ ਨਾ ਹੋਣਾ ਇਹ ਵੀ ਵਿਟਾਮਿਨ ਕੇ ਦੀ ਕਮੀ ਦਾ ਸੰਕੇਤ ਹੈ । ਵਿਟਾਮਿਨ ਕੇ ਦੀ ਕਮੀ ਕਰਕੇ ਹੱਥਾਂ ਪੈਰਾਂ ਦੇ ਨੋਹਾਂ ਦੇ ਥੱਲੇ ਖੂਨ ਜੰਮਣਾ ਸ਼ੁਰੂ ਹੋ ਜਾਂਦਾ ਹੈ । ਇਸ ਤਰ੍ਹਾਂ ਦੀ ਸਮੱਸਿਆ ਹੋਣ ਤੇ ਜ਼ਿਆਦਾ ਵਿਟਾਮਿਨ ਕੇ ਵਾਲੇ ਆਹਾਰ ਖਾਣੇ ਚਾਹੀਦੇ ਹਨ ।
ਸੀਨੇ ਵਿੱਚ ਦਰਦ
ਇਸ ਦੀ ਕਮੀ ਹੋਣ ਤੇ ਸਾਹ ਫੁੱਲਣਾ , ਸੀਨੇ ਵਿੱਚ ਦਰਦ ਜਿਹੇ ਲੱਛਣ ਵੀ ਦਿਖਾਈ ਦਿੰਦੇ ਹਨ । ਇਸ ਤੋਂ ਇਲਾਵਾ ਪਿੱਠ ਦਰਦ , ਕਮਰ ਦਰਦ ਬਿਨਾਂ ਕਿਸੇ ਵਜ੍ਹਾ ਤੋਂ ਦਰਦ ਹੋਣਾ ਇਸ ਦੀ ਕਮੀ ਦੇ ਸੰਕੇਤ ਹਨ ।
ਜਾਣਕਾਰੀ ਚੰਗੀ ਲੱਗੀ ਤਾਂ ਵੱਧ ਤੋਂ ਵੱਧ ਸ਼ੇਅਰ ਜ਼ਰੂਰ ਕਰੋ ਅਤੇ ਸਿਹਤ ਸਬੰਧੀ ਹੋਰ ਜਾਣਕਾਰੀ ਜਾਨਣ ਲਈ ਸਾਡਾ ਫੇਸਬੁੱਕ ਪੇਜ ਸਿਹਤ ਜ਼ਰੂਰ ਲਾਈਕ ਕਰੋ।
ਧੰਨਵਾਦ