ਅਖਰੋਟ ਦੀ ਸ਼ਕਲ ਸਾਡੇ ਦਿਮਾਗ ਦੇ ਨਾਲ ਮਿਲਦੀ ਹੈ ਅਤੇ ਅਖਰੋਟ ਨੂੰ ਬ੍ਰੈਨ ਫੂਡ ਵੀ ਕਿਹਾ ਜਾਂਦਾ ਹੈ । ਕਿਉਂਕਿ ਇਹ ਦਿਮਾਗ ਲਈ ਬਹੁਤ ਚੰਗਾ ਹੁੰਦਾ ਹੈ । ਦੁੱਧ ਵੀ ਦਿਮਾਗ ਨੂੰ ਤਾਕਤ ਦਿੰਦਾ ਹੈ । ਦੁੱਧ ਅਤੇ ਅਖਰੋਟ ਨੂੰ ਇਕੱਠਾ ਖਾਦਾ ਜਾਵੇ ਤਾਂ ਇਹ ਸਾਡੇ ਦਿਮਾਗ ਲਈ ਬਹੁਤ ਜ਼ਿਆਦਾ ਫਾਇਦੇਮੰਦ ਹੁੰਦਾ ਹੈ । ਇਸ ਨਾਲ ਸਾਡੀ ਮੈਮੋਰੀ ਪਾਵਰ ਵਧਦੀ ਹੈ ਅਤੇ ਨਾਲ ਹੀ ਸਰੀਰਕ ਕਮਜ਼ੋਰੀ ਦੂਰ ਹੁੰਦੀ ਹੈ ।
ਇਸ ਨਾਲ ਸਰੀਰ ਦੇ ਅੰਦਰ ਕੋਲੈਸਟਰੋਲ ਅਤੇ ਮੈਟਾਬਾਲਿਜ਼ਮ ਸਹੀ ਰਹਿੰਦਾ ਹੈ । ਅਖਰੋਟ ਦੇ ਵਿੱਚ ਸੋਡੀਅਮ ਬਹੁਤ ਘੱਟ ਮਾਤਰਾ ਵਿੱਚ ਅਤੇ ਓਮੇਗਾ 3 ਫੈਟੀ ਐਸਿਡ ਭਰਪੂਰ ਮਾਤਰਾ ਵਿਚ ਹੁੰਦਾ ਹੈ । ਇਸ ਤੋਂ ਇਲਾਵਾ ਅਖਰੋਟ ਅੰਦਰ ਪ੍ਰੋਟੀਨ , ਮਿਨਰਲ , ਕੈਲਸ਼ੀਅਮ , ਮੈਗਨੀਸ਼ੀਅਮ , ਫਾਸਫੋਰਸ , ਜਿੰਕ , ਕਾਪਰ , ਮੈਗਨੀਜ਼ , ਸਲੀਨੀਅਮ ਹੁੰਦਾ ਹੈ । ਜੋ ਸਰੀਰ ਲਈ ਬਹੁਤ ਫਾਇਦੇਮੰਦ ਹਨ ।
ਅੱਜ ਇਸ ਅਸੀਂ ਗੱਲ ਕਰਾਂਗੇ ਦੁੱਧ ਦੇ ਨਾਲ ਅਖਰੋਟ ਖਾਣ ਦੇ ਫਾਇਦਿਆਂ ਬਾਰੇ ।
ਦੁੱਧ ਨਾਲ ਅਖਰੋਟ ਖਾਣ ਦੇ ਫਾਇਦੇ
ਦਿਲ ਤੰਦਰੁਸਤ ਰੱਖੇ
ਅਖਰੋਟ ਦੁੱਧ ਨਾਲ ਖਾਣ ਤੇ ਦਿਲ ਤੰਦਰੁਸਤ ਰਹਿੰਦਾ ਹੈ । ਕਿਉਂਕਿ ਇਸ ਅੰਦਰ ਭਰਪੂਰ ਮਾਤਰਾ ਵਿੱਚ ਐਂਟੀ ਆਕਸੀਡੈਂਟ ਹੁੰਦੇ ਹਨ । ਇਸ ਨਾਲ ਕੋਲੈਸਟਰੋਲ ਕੰਟਰੋਲ ਵਿੱਚ ਰਹਿੰਦਾ ਹੈ ਅਤੇ ਸੋਡੀਅਮ ਘੱਟ ਮਾਤਰਾ ਵਿੱਚ ਹੁੰਦਾ ਹੈ । ਜਿਸ ਨਾਲ ਬਲੱਡ ਪ੍ਰੈਸ਼ਰ ਨਹੀਂ ਵਧਦਾ ਅਤੇ ਰੋਜ਼ਾਨਾ ਇੱਕ ਗਲਾਸ ਦੁੱਧ ਨਾਲ 2 ਅਖਰੋਟ ਖਾਣ ਨਾਲ ਦਿਲ ਦੀ ਕੋਈ ਵੀ ਸਮੱਸਿਆ ਨਹੀਂ ਹੁੰਦੀ ।
ਦਿਮਾਗ ਲਈ ਫਾਇਦੇਮੰਦ
ਦੁੱਧ ਅਤੇ ਅਖਰੋਟ ਦੇ ਮਿਸ਼ਰਣ ਵਿੱਚ ਓਮੇਗਾ ਫੈਟੀ ਐਸਿਡ ਦੇ ਨਾਲ ਨਾਲ ਵਿਟਾਮਿਨ ਈ ਵੀ ਹੁੰਦਾ ਹੈ । ਇਹ ਦੋਵੇਂ ਸਾਡੇ ਦਿਮਾਗ ਨੂੰ ਤੇਜ਼ ਕਰਦੇ ਹਨ । ਜਿਸ ਨਾਲ ਦਿਮਾਗ ਦੀ ਚੀਜ਼ਾਂ ਯਾਦ ਰੱਖਣ ਦੀ ਸ਼ਕਤੀ ਵੱਧਦੀ ਹੈ । ਇਸ ਲਈ ਬੱਚਿਆਂ ਨੂੰ ਦੁੱਧ ਨਾਲ ਅਖਰੋਟ ਜ਼ਰੂਰ ਦੇਣਾ ਚਾਹੀਦਾ ਹੈ ।
ਨੀਂਦ
ਅਖਰੋਟ ਦੇ ਅੰਦਰ ਸਲੀਨੀਅਮ ਹੁੰਦਾ ਹੈ । ਜਿਸ ਨਾਲ ਅਖਰੋਟ ਖਾਣ ਨਾਲ ਦਿਮਾਗ ਰਿਲੈਕਸ ਰਹਿੰਦਾ ਹੈ । ਦਿਮਾਗ ਨੂੰ ਸ਼ਾਂਤੀ ਮਿਲਦੀ ਹੈ , ਇਸ ਲਈ ਨੀਂਦ ਵਧੀਆ ਆਉਂਦੀ ਹੈ ।
ਸ਼ੂਗਰ ਕੰਟਰੋਲ ਕਰੇ
ਸ਼ੂਗਰ ਦੇ ਮਰੀਜ਼ਾਂ ਲਈ ਅਖਰੋਟ ਖਾਣਾ ਬਹੁਤ ਚੰਗਾ ਹੈ । ਇਹ ਸਰੀਰ ਦੇ ਵਿੱਚ ਸ਼ੂਗਰ ਦਾ ਲੈਵਲ ਕੰਟਰੋਲ ਵਿੱਚ ਰੱਖਦਾ ਹੈ ।
ਬਲੱਡ ਸਰਕੁਲੇਸ਼ਨ ਠੀਕ ਕਰੇ
ਅਖਰੋਟ ਖਾਣ ਨਾਲ ਕਲੈਸਟਰੋਲ ਨਹੀਂ ਵਧਦਾ । ਖੂਨ ਗਾੜ੍ਹਾ ਨਹੀਂ ਹੁੰਦਾ ਅਤੇ ਇਸ ਅੰਦਰ ਸੋਡੀਅਮ ਵੀ ਘੱਟ ਹੁੰਦਾ ਹੈ ।ਅਖਰੋਟ ਖ਼ੂਨ ਨੂੰ ਪਤਲਾ ਰੱਖ ਕੇ ਖੂਨ ਦੀ ਸਪਲਾਈ ਸਹੀ ਰੱਖਦਾ ਹੈ । ਜਿਸ ਨਾਲ ਦਿਲ ਤੇ ਕੋਈ ਵਾਧੂ ਦਬਾਅ ਨਹੀਂ ਪੈਂਦਾ ਅਤੇ ਬਲੱਡ ਸਰਕੁਲੇਸ਼ਨ ਠੀਕ ਰਹਿੰਦਾ ਹੈ ।
ਹੱਡੀਆਂ ਮਜ਼ਬੂਤ ਕਰੇ
ਅਖਰੋਟ ਖਾਣ ਨਾਲ ਹੱਡੀਆਂ ਮਜ਼ਬੂਤ ਹੁੰਦੀਆਂ ਹਨ । ਜਿਸ ਨਾਲ ਜੋੜਾਂ ਦਾ ਦਰਦ ਜਿਹੀਆਂ ਸਮੱਸਿਆਵਾਂ ਨਹੀਂ ਹੁੰਦੀਆਂ ।
ਕੈਂਸਰ ਤੋਂ ਬਚਾਅ
ਇਸ ਤੋਂ ਇਲਾਵਾ ਅਖਰੋਟ ਅੰਦਰ ਐਂਟੀਆਕਸੀਡੈਂਟ ਗੁਣ ਹੁੰਦੇ ਹਨ । ਜੋ ਕੈਂਸਰ ਦੇ ਸੈੱਲਸ ਨੂੰ ਵਧਣ ਨਹੀਂ ਦਿੰਦੇ ਅਤੇ ਇਹ ਔਰਤਾਂ ਵਿੱਚ ਛਾਤੀ ਦਾ ਕੈਂਸਰ ਨਹੀਂ ਹੋਣ ਦਿੰਦੇ ।
ਚਮੜੀ ਚਮਕਦਾਰ ਬਣਾਏ
ਅਖਰੋਟ ਦੇ ਅੰਦਰ ਵਿਟਾਮਿਨ ਈ ਅਤੇ ਪ੍ਰੋਟੀਨ ਹੁੰਦੇ ਹਨ । ਜੋ ਸਾਡੀ ਚਮੜੀ ਨੂੰ ਚਮਕਦਾਰ ਬਣਾਉਂਦੇ ਹਨ ਅਤੇ ਲੰਬੇ ਸਮੇਂ ਤੱਕ ਚਮੜੀ ਤੇ ਝੁਰੜੀਆਂ ਨਹੀਂ ਪੈਂਦੀਆਂ ।
ਗਰਭਵਤੀ ਮਹਿਲਾਵਾਂ ਲਈ
ਅਖਰੋਟ ਖਾਣਾ ਗਰਭ ਵਿੱਚ ਪਲ ਰਹੇ ਬੱਚੇ ਦੀ ਗ੍ਰੋਥ ਦੇ ਲਈ ਬਹੁਤ ਚੰਗਾ ਹੁੰਦਾ ਹੈ । ਅਖਰੋਟ ਗਰਭ ਨੂੰ ਐਨਰਜੀ ਦਿੰਦੇ ਹਨ । ਜਿਸ ਨਾਲ ਗਰਭ ਅੰਦਰਲੇ ਬੱਚੇ ਦਾ ਵਿਕਾਸ ਚੰਗਾ ਹੁੰਦਾ ਹੈ ।
ਉਮੀਦ ਹੈ ਅੱਜ ਦੀ ਜਾਣਕਾਰੀ ਤੁਹਾਨੂੰ ਚੰਗੀ ਲੱਗੀ ਹੋਵੇਗੀ ਜੇ ਇਹ ਜਾਣਕਾਰੀ ਚੰਗੀ ਲੱਗੀ ਹੋਵੇ ਇਸ ਨੂੰ ਸ਼ੇਅਰ ਜ਼ਰੂਰ ਕਰੋ ਜੀ ।
ਸਿਹਤ ਸਬੰਧੀ ਹਰ ਤਰ੍ਹਾਂ ਦੀ ਜਾਣਕਾਰੀ ਪ੍ਰਾਪਤ ਕਰਨ ਲਈ ਫੇਸਬੁੱਕ ਪੇਜ਼ ਸਿਹਤ ਲਾਈਕ ਜ਼ਰੂਰ ਕਰੋ ਜੀ।
ਧੰਨਵਾਦ